उपराष्ट्रपतिले स्काउट ज्याम्बोरेट उदघाटन गर्नुहुने

0
66

विराटनगर, २६ असोज । उपराष्ट्रपति नन्दबहादुर पुनले विराटनगरमा हुने तेस्रो क्षेत्रीय स्काउट ज्याम्बोरेट (भेला)को भोलि उद्घाटन गर्नुहुने भएको छ । पूर्व मेचीदेखि पश्चिम महाकालीसम्मका विभिन्न ३५ जिल्लाका करिब तीनहजार ५०० स्काउटर बालबालिकाले असोज २७ देखि ३० गतेसम्मको भेलामा सहभागिता जनाउने आयोजित पत्रकार सम्मेलनमा जानकारी दिइएको छ । सो ज्याम्बोरेटमा १३ देखि १६ वर्ष उमेर समूहका स्काउटर विद्यार्थी बालबालिकाले सहभागिता जनाउने र त्यसका लागि सबै तयारी पूरा भइसकेको आयोजक समितिका क्षेत्रीय संयोजक शिवकुमार पौडेलले बताउनुभयो । विराटनगरस्थित महेन्द्र मोरङ क्याम्पस परिसरमा आयोजना हुने ज्याम्बोरेटमा सहभागी बालबालिकालाई साहसिक, सांस्कृतिक र मनोरञ्जनात्मक कला प्रदर्शन गर्दै राष्ट्रिय एकता मजबुत गरी समाजमा भाइचारा कायम गर्नु ज्याम्बोरेटको मुख्य उद्देश्य रहेको संयोजक पौडेलको बताउनुभयो । क्याम्पस हातामा ४० वटा बेस—क्याम्प निर्माण गरी स्काउटर बालबालिकालाई आपत विपत्मा सहयोग गर्ने स्वयंसेवी बन्नका लागि आत्मबल बढाउन सैद्धान्तिक र प्रयोगात्मक ज्ञान दिइने आयोजक सदस्य नवलप्रसाद उपाध्यायले जानकारी दिनुभएको छ । यसअघि विसं २०५९ मा धरान र २०६९ मा झापाको दमकमा ज्याम्बोरेट सम्पन्न भएको थियो । पाँचदिने उक्त ज्याम्बोरेट सम्पन्न गर्न करिब रु २५ लाख खर्च लाग्ने आयोजक समितिका सदस्य किरण गिरीले बताउनुभयो ।

Comments

comments

LEAVE A REPLY

Please enter your comment!
Please enter your name here