टि–२० महिला विश्वकप क्रिकेट खेलमा आज नेपालले मलेसियाको सामना गर्ने

0
36

काठमाडौं, ८ मंसिर । टि–२० महिला विश्वकप क्रिकेट छनोट प्रतियोगिताअन्तर्गको चौथो खेलमा आज नेपालले मलेसियाको सामना गर्नेछ । थाईल्याण्डमा जारी प्रतियोगिताबाट अन्तिम चरणको छनोटमा पुग्ने सम्भावना जीवित राख्न नेपालले आजको खेल जित्नैपर्ने छ । समूहको पहिलो र दोस्रो खेलमा बर्षाका कारण अंक बाँड्न बाध्य भएपछि नेपालको यात्रा कमजोर बनेको थियो । तेस्रो खेलमा बिहीबार युएईसँग ५ रनले पराजित भएपछि नेपालको बाटो झनै कठिन बनेको छ । युएईले प्रस्तुत गरेको ८० रनको लक्ष्य पछ्याएको नेपालले निर्धारित २० ओभरमा ९ विकेट गुमाउँदै ७४ रनमात्र जोड्न सक्यो । ६ टोली सहभागी प्रतियोगिताको अंक तालिकामा शीर्ष २ स्थानमा रहने टोली विश्वकप छनोटको ग्लोबल क्वालिफायरका लागि छनोट हुनेछन् । तीन खेलबाट २ अंक जोडेको नेपाल तालिकाको पाँचौ स्थानमा छ । नेपालले आज मलेसियासँग खेलेपछि समूहको अन्तिम खेलमा आइतबार चीनसँग प्रतिष्पर्धा गर्ने छ ।

Comments

comments

LEAVE A REPLY

Please enter your comment!
Please enter your name here