नेपालमा आज थप १ सय ५६ जनामा कोरोना संक्रमण

विराटनगर, ४ साउन । नेपालमा आज थप १ सय ५६ जनामा कोरोना संक्रमण देखिएको छ । स्वास्थ्य तथा जनसंख्या मन्त्रालयका अनुसार ३ हजार ७ सय ४१ वटा पीसीआर परीक्षणमा १ सय ५६ जनामा कोरोना पोजेटिभ देखिएको हो ।

योसँगै नेपालमा कोरोना संक्रमितको संख्या १७ हजार ६ सय ५८ पुगेको मन्त्रालयका प्रवक्ता डा. जागेश्वर गौतमले बताउनुभयो । अहिलेसम्म प्रदेश नम्बर १ मा ७ सय ९३, प्रदेश नम्बर २ मा ४ हजार ५ सय ५१, बागमती प्रदेशमा ८ सय ५६ र गण्डकी प्रदेशमा १ हजार ३ सय ८१ जनामा संक्रमण देखिएको छ ।

यस्तै प्रदेश नम्बर ५ मा ४ हजार १ सय ७२, कर्णाली प्रदेशमा १ हजार ८ सय १४ र सुदूरपश्चिम प्रदेशमा ४ हजार ५४ जनामा संक्रमण देखिएको छ । अहिले देशका विभिन्न आइसोलेसनमा ५ हजार ९ सय २३ जना संक्रमित उपचाररत रहेका छन् ।

आज ५८ सहित अहिलेसम्म ११ हजार ६ सय ९५ जना संक्रमित निको भएर डिस्चार्ज भएका छन । अहिले देशभरिका क्वारेन्टिनमा २२ हजार ६ सय ६१ जना रहेका छन् । नेपालमा आजसम्म कोरोनाबाट मृत्यु हुनेको संख्या ४० पुगेको छ ।

Leave a Reply

Your email address will not be published. Required fields are marked *

Call Now Button