मलेसियामा महाथिर मोहम्मद फेरि प्रधानमन्त्री बन्ने, सत्तारुढ गठबन्धन पराजित

0
275

क्वालालम्पुर,२७ वैशाख । मलेसियामा भएको निर्वाचनमा सत्तारुढ दलको गठबन्धन पराजित भएको छ । निर्वाचन परिणामसँगै आधुनिक मलेसियाका पिता मानिने पूर्वप्रधानमन्त्री महाथिर मोहम्मद फेरि प्रधानमन्त्री बन्ने भएका छन् । विपक्षी गठबन्धनले ऐतिहासिक जित पाएसँगै ९२ वर्षीय महाथिरलाई प्रधानमन्त्री बन्ने बाटो खुलेको हो । २२२ सीट रहेको मलेसियाली संसदमा महाथिरको विपक्षी गठबन्धनले ११५ सीटमा जितेको छ । यो संख्या सरकार बनाउनका लागि आवश्यक ११२ भन्दा बढी हो । ६२ सालदेखि सत्तामा रहेको बारिसन नेशनल (बीएन) गठबन्धनलाई हराएलगत्तै महाथिरले आफूहरु बदलाभन्दा कानूनी शासन स्थापित गर्ने बाटोमा केन्द्रित हुने प्रतिक्रिया दिए । महाथिर पनि बारिसन नेशनल दलबाटै यसअघि प्रधानमन्त्री बनेका थिए । वर्तमान प्रधानमन्त्री नजीब रजाकलाई महाथिरले नै सत्ता सुम्पिएका थिए । तर पछिल्लो समय उनी भ्रष्टाचारलगायतका मुद्दामा उनले प्रधानमन्त्री नजीब रजाकको कडा आलोचना गर्दै विपक्षी गठबन्धन बनाएका थिए । चरम भ्रष्टाचारमा डुबेका रजाकले पद छाड्न अस्वीकार गर्दै महाथिरलाई नै अटेर गरेपछि उनी विपक्षी गठबन्धनसँग मिलेर चुनावमा होमिएका हुन् । रजाकको पार्टीले भने जम्मा ७९ सीटमा मात्र जितेको छ ।

Comments

comments

LEAVE A REPLY

Please enter your comment!
Please enter your name here