सामुदायिक विद्यालयलाई श्रोत सम्पन्न बनाउनका लागि समुदाय परिचालन आवस्यक : मन्त्री घिमिरे

विराटनगर, १५ असार । प्रदेश १ का सामाजिक विकास मन्त्री जीवन घिमिरेले सामुदायिक विद्यालयलाई श्रोत सम्पन्न बनाउनका लागि समुदाय परिचालन आवस्यक भएको बताउनु भएको छ ।

समुदायलाई परिचालन गर्न सके विद्यालयका लागि आवस्यक सामाग्री जुटाउन सहज हुने उहाँले बताउनुभयो । तीनै तहको सरकारको श्रोतको सीमा हुने भएकाले एकै स्थानमा मात्र बढी खर्च गर्न नसकीने मन्त्री घिमिरेले बताउनुभयो ।

झापाको दमक नगरपालिकाले विद्यालय शैक्षिक गुणस्तर सुधार संवन्धिको अनलाईन कार्यक्रममा आज मन्त्री घिमिरेले सो कुरा बताउनु भएको हो । समुदाय परिचालन गर्न सके शैक्षिक गुणस्तर सुधारका लागि आवस्यक पर्ने सामाग्री जुटाउनका लागि समस्या नहुने उहाँले बताउनुभयो । विद्यालयमा समुदाय परिचालन गर्नका लागि सामाजिक विकास मन्त्रालयले पुर्व विद्यार्थी समाज गठनको अवधारणा ल्याएको बताउनुभयो ।

उहाँले भन्नुभयो,‘ पुर्व विद्यार्थी विभिन्न तह र स्थानमा हुन्छन्, उनीहरुलाई परिचालन गर्न सके आवस्यक सामाग्री जुटाउन सहज हुन्छ ।’ उहाँले विद्यालय शिक्षाको शैक्षिक गुणस्तर सुधारका लागि विद्यालय मितेरी सम्बन्ध कार्यक्रम, इ–एजुकेशनको व्यवस्थापन, पुर्व विद्यार्थी समाज गठन र परिचालन, आमा समुह गठन र परिचालनको काम भईरहेको मन्त्री घिमिरेले बताउनुभयो । प्रविधिमैत्री विद्यालय हुनका लागि शिक्षक पनि दक्ष हुनुपर्नेमा उहाँको जोड छ ।

शिक्षक दक्ष भए मात्रै विद्यार्थीले दक्षता आर्जन गर्न सक्ने उहाँले बताउनुभयो । प्रविधि मैत्री विद्यालय निर्माण कार्यमा दमक नगरपालिकाले कार्य शुरु गरेकोमा उहाँले धन्यवाद दिनुभयो । प्रदेश १ ले शुरु गरेको अभियानले अन्य प्रदेशमा पनि सिकाईको आधार तयार भएको मन्त्री घिमिरेले बताउनुभयो ।

विद्यालय शिक्षाको शैक्षिक गुणस्तर सुधार कार्यक्रम संवन्धि सामाजिक विकास मन्त्रालयले गरेको काम र उपलब्धीबारे मन्त्रालयका तर्फबाट हिक्मत वस्नेतले प्रस्तुती गर्नु भएको थियो ।

Leave a Reply

Your email address will not be published. Required fields are marked *

Call Now Button