0
58

काठमाडौ, २ असार । बंगलादेशलाई ९ विकेटले पराजित गर्दै साविक विजेता भारत च्याम्पियन्स ट्रफी क्रिकेटको फाइनलमा प्रवेश गरेको छ । बेलायतमा जारी प्रतियोगिता अन्तर्गत गएराति सम्पन्न दोस्रो सेमिफाइनलमा भारतलाई जिताउन सुरुवाती ब्याट्सम्यान रोहित शर्माले शतकीय पारी खेले । २ सय ६५ रनको लक्ष्य पछ्याएको भारतले ४० ओभर एक बलमा जित हात पारेको थियो । ओपनरद्वय शिखर धवन र रोहित शर्माले पहिलो विकेटका लागि ८७ रनको साझेदारी गर्दै राम्रो सुरुवात दिलाएका थिए । धवन ४६ रन बनाउदै पेभेलियन फर्केपछि कप्तान विराट कोहली ब्याटिङमा आएका थिए । कोहली र रोहितले दोश्रो विकेटको लागि अविजित १ सय ७८ रनको साझेदारी गर्दै भारतलाई ९ विकेटको जित दिलाए । रोहितले अविजित १ सय २३ रन बनाउँदा कोहलीले अविजित ९६ रन जोडे । यसअघि पहिले ब्याटिङ गरेको बंगलादेशले २ सय ६४ रनको योगफल तयार पारेको थियो । उसका लागि तमिम इकबालले ७० रन बनाउदा मुश्फिकर रहिमले ६१ रनको योगदान दिए । भारतले अब च्याम्पियन्स ट्रफीको उपाधिका लागि पाकिस्तानको सामना गर्नेछ । पहिलो सेमिफाईनलमा इंग्ल्याण्डलाई पाखा लगाउँदै पाकिस्तान फाईनलमा पुगेको थियो । फाइनल खेल आइतबार नेपाली समयानुसार दिनको सबा तीन बजे लण्डनस्थित दि ओभलमा हुनेछ ।

Comments

comments

LEAVE A REPLY