Tune to BFM 91.2|Biratnagar

प्रदेश १ मा आज १४ जनामा कोरोना संक्रमण, संक्रमितको संख्या २ सय ९६ पुुग्यो

विराटनगर, २८ जेठ । थप १४ जनामा आज कोरोना संक्रमण पुष्टि भएसँगै प्रदेश १ मा कोरोना संक्रमितको संख्या २९६ पुगेको छ । आज झापा, मोरङ र उदयपुरमा एक महिलासहित १४ जनामा कोरोना संक्रमण पुष्टि भएको प्रदेश सरकारले जनाएको छ ।

प्रदेश १ सामाजिक विकास मन्त्रालयका अनुसार मोरङमा ८ जना, झापामा ५ जना र उदयपुरमा १ जनामा संक्रमण देखिएको हो । मोरङका संक्रमित सबै रतुवामाई नगरपालिकाका रहेको बताईएको छ । झापाको मेचिनगरमा १ जना, कनकाई नगरपालिकामा ३ जना र गौरादहमा १ जना महिलामा संक्रमण देखिएको हो ।

संक्रमित सबैको परीक्षण विराटनगरको कोशी अस्पताल र प्रदेश जनस्वास्थ्य प्रयोगशालामा गरिएको मन्त्रालयका प्रवक्ता डा.सुरेश मेहताले जानकारी दिनुभयो । प्रदेशमा अहिलेसम्म १० महिलासहित १२५ जना संक्रमित उपचारपछि निको भएर घर फर्किएका छन् ।

संक्रमितहरूको कोशी अस्पताल कोभिड १९ उपचार केन्द्र विराटनगर, विपी कोइराला स्वास्थ्य विज्ञान प्रतिष्ठान धरान र पूर्वाञ्चल विश्वविद्यालय मेडिकल कलेजमा उपचार भइरहेको छ ।

Leave a Reply

Your email address will not be published. Required fields are marked *

Call Now Button