बिमष्टेकमा सहभागी हुने राष्ट्रप्रमुखलाई रिट्रिटका लागि स्थान खोजीमा परराष्ट्र मन्त्रालय

0
91

काठमाण्डौं, २७ साउन । बिमस्टेकको चौथो शिखर सम्मेलनमा नेपाल आउने राष्ट्रप्रमुखलाई बुद्ध जन्मस्थल लुम्बिनी लैजानेबारे छलफल भैरहेको परराष्ट्र मन्त्रालयले जनाएको छ । भदौ १४ र १५ गते हुने सम्मेलनका लागि भारत, बंगालादेश, भुटान, श्रीलंका, म्यानमार र थाइल्यान्डका राष्ट्र तथा सरकार प्रमुख काठमाडौं आउने कार्यक्रम छ । बहुक्षेत्रीय प्राविधिक तथा आर्थिक सहयोगका लागि बंगाल खाडीको प्रयास बिमस्टेक सम्मेलनमा सहभागी हुने केही राष्ट्रप्रमुखहरूले लुम्बिनी भ्रमणको इच्छा देखाएपछि परराष्ट्र मन्त्रालयले लुम्बिनी जान सकिने नसकिने बारे सम्भाब्यता अध्ययन गरिरहेको छ । सम्मेलनमा आउने पाहुनालाई रिट्रिटका लागि लैजाने प्रचलन अनुसार यसअघि सार्क शिखर सम्मेलनका बेला आएका पाहुना राष्ट्र तथा सरकार प्रमुखलाई धुलिखेल लगिएको थियो । पहिले पनि धुलिखेल गएका सदस्य राष्ट्रका सरकार प्रमुख बिमस्टेकमा पनि रहेकाले नयाँ स्थानको खोजी गरिरहेको परराष्ट्रले लुम्बिनिबारे छलफल अघि बढाएको परराष्ट्र मन्त्रालयका सहप्रवक्ता रामबाबु ढकालले बताउनुभयो । सम्मेलनमा सहभागी हुने श्रीलंका, थाइल्यान्ड, भुटान र म्यानमार बहुसंख्यक बौद्धमार्गी भएका मुलुक हुन् । प्रधानमन्त्री भएपछि चार पटक नेपालको भ्रमण गरेका नरेन्द्र मोदीले समेत पटक–पटक लुम्बिनी जाने इच्छा व्यक्त गर्नुभएको थियो ।

Comments

comments

LEAVE A REPLY

Please enter your comment!
Please enter your name here