मिर्गाैला प्रत्यारोपण गर्न अर्थाभाव

0
93

विराटनगर, १ चैत । पाँचथर जिल्लाको हिलिहाङ गाउँपालिका–७ माझीटारकी २२ वर्षीया सरिता माझीको दुवै मिर्गाैला फेल भएपछि परिवार पीडामा परेको छ । सरितालाई बचाउन मिर्गाैला प्रत्यारोपण गर्नुपर्ने चिकित्सकले बताएको उनका श्रीमान् मङ्गलबहादुर माझीले बताउनुभयो । कमजोर आर्थिक अवस्था भएका माझी परिवारलाई मिर्गाैला प्रत्यारोपणका लागि आवश्यक पर्ने रकम जुटाउन गाह्रो भएको छ । सरिताका ससुरा जसबहादुर माझीका अनुसार सरिताको उपचारमा हालसम्ममा रु दुई लाख रुपैयाँ खर्च भइसकेको छ । सरिताको एउटा मिर्गाैला प्रत्यारोपण गर्न झण्डै रु १२ लाख रकम आवश्यक पर्ने माझी परिवारको भनाइ छ ।
सरिताको उपचारमा आर्थिक अभाव भएपछि माझी परिवारले सहयोगका लागि आग्रह गरेको छ । सरिताका श्रीमान मङ्गलबहादुरले भन्नुभयो, “ऋण गरेरै श्रीमतीलाई विपी स्वास्थ्य विज्ञान प्रतिष्ठान धरान, विराटनगर र शिक्षण अस्पताल काठमाडौँसम्म पुर्याएँ, चिकित्सकले मिर्गाैला फेर्नुपर्छ भनेका छन्, त्यतिका धेरै पैसा कहाँबाट ल्याउनु ?” उहाँले भावुक हुँदै श्रीमतीलाई बचाइदिन अनुरोधसमेत गर्नुभएको छ । माझी दम्पतीका सात वर्षीया छोरीसमेत छिन् ।

Comments

comments

LEAVE A REPLY

Please enter your comment!
Please enter your name here