Tune to BFM 91.2|Biratnagar

सामाजिक विकास मन्त्रालयद्धारा गैसससँग छलफल

विराटनगर, १७ वैशाख । प्रदेश १ सरकारद्धारा सञ्चालित कोशी अस्पताल कोभिड १९ उपचार केन्द्रलाई सुविधा सम्पन्न बनाउनका लागि सामाजिक विकास मन्त्रालयले विभिन्न साँझेदार संस्थाहरुसँगको छलफललाई तीव्रता दिएको छ ।

स्वास्थ्य क्षेत्रसँग संवन्धित प्रदेश १ मा कार्यरत अन्र्तराष्ट्रिय गैरसरकारी संस्थाहरुका प्रतिनिधिहरुसँग हिजो मन्त्रालयमा छलफल गर्दै सहयोगका लागि अपिल गरेको छ । सामाजिक विकास मन्त्री जीवन घिमिरेको उपस्थितिमा वसेको बैठकले कोभिड अस्पतालका लागि आवस्यक स्वास्थ्य उपकरण तथा सामाग्री सहयोग गर्न मन्त्रालयले आग्रह गरेको हो ।

अस्पताललाई सहयोग गर्न इच्छुक संस्थाहरुले आगामी वैशाख १९ गते भित्रमा विवरण उपलब्ध गराउन भनिएको छ । मन्त्रालयले विभिन्न अन्र्तराष्ट्रिय तथा राष्ट्रिय गैरसरकारी संस्थाहरुले यसअघि गरेको सहयोगका लागि धन्यवाद दिएको छ ।

यसअघि कोभिड १९ अस्पतालका लागि विभिन्न गैरसरकारी संस्थाहरुले आईसीयु वेड, स्वास्थ्य सामाग्री, स्वास्थ्य उपकरणहरु सहयोग गरेका थिए ।

Leave a Reply

Your email address will not be published. Required fields are marked *

Call Now Button