भेनेजुएलामा गएराति लगातार आएका ७.२ र ७.५ म्याग्निच्युडका दुई शक्तिशाली भूकम्पपछि सरकारले देशभर आपतकाल घोषणा गरेको छ । भूकम्पका कारण हालसम्म कम्तीमा ३२ जनाको ज्यान गएको पुष्टी भएको छ भने राजधानी काराकाससहित विभिन्न क्षेत्रका भवनहरू भत्किएका अलजजिराले जनाएको छ ।
कार्यवाहक राष्ट्रपति डेल्सी रोड्रिगेजले राष्ट्रका नाममा सम्बोधन गर्दै आपतकाल घोषणा गर्नुभएको हो । उहाँले भूकम्पपछि २० वटा परकम्प रेकर्ड भइसकेको जानकारी दिँदै हालसम्म ३२ जनाको मृत्यु र ७०० जना घाइते भएको जानकारी दिएकी छन् ।
खोज तथा उद्धारकार्य जारी रहेकाले मृतक र घाइतेको संख्या बढ्ने अनुमान गरिएकौ छ ।
चाकाओ क्षेत्रमा मात्र चारभन्दा बढी भवन भत्किएका छन् भने कम्तीमा १८ जनाको जीवित उद्धार गरिएको छ । उद्धार तथा राहत कार्यका लागि सयौँ सुरक्षाकर्मी परिचालन गरिएका छन् ।
भूकम्पले काराकास, मिरान्डा, ला ग्वाइरा, अरागुआ र काराबोबो लगायतका राज्यहरूमा व्यापक क्षति पुर्याएको छ । विद्यालय, रेल तथा मेट्रो सेवासमेत बन्द गरिएका छन् । अमेरिकी भूगर्भ सर्वेक्षणले भूकम्पका कारण ठूलो जनधनको क्षति हुन सक्ने चेतावनी दिएको छ । यद्यपि आधिकारिक विवरण अझै सार्वजनिक गरिएको छैन । यसबीच विभिन्न देशहरूले भेनेजुएलालाई उद्धार तथा मानवीय सहायता उपलब्ध गराउने प्रतिबद्धता जनाएका छन् ।