इरानका सर्वोच्च नेता आयतुल्लाह अली खामेनीको अन्त्येष्टि समारोह तेहरानमा सुरु भएको छ। इरानी सञ्चारमाध्यमहरूका अनुसार अन्त्येष्टि कार्यक्रममा लाखौँको संख्यामा सर्वसाधारणको उपस्थिति रहेको छ। विभिन्न मिडिया आउटलेटहरूले सार्वजनिक गरेका तस्बिर र भिडियोहरूमा समारोहमा जनसागर उर्लिएको देखिन्छ। विशेष भीडभाडलाई मध्यनजर गर्दै राजधानी तेहरान र धार्मिक सहर कोममा विशेष ट्राफिक नियम र सुरक्षा व्यवस्था लागू गरिएको छ।
यसैबीच, आइतबार आयोजित मुख्य समारोहमा इरानी नेता तथा खामेनीका छोरा मोज्तबा खामेनी र परिवारका केही मुख्य सदस्यहरू अनुपस्थित रहेका छन्। उनको अनुपस्थितिलाई अर्थपूर्ण रूपमा हेरिए पनि केही घण्टापछि नै मोज्तबाको तर्फबाट एउटा आधिकारिक सन्देश जारी गरिएको छ। उक्त सन्देशमा गुलामहुसेन मोहसेनी एजेईलाई पुनः इरानको न्यायपालिका प्रमुखको रूपमा जिम्मेवारी सुम्पिएको उल्लेख छ।
इरानी अधिकारीहरूका अनुसार आगामी केही दिनसम्म इरान र इराकका विभिन्न सहरहरूमा चल्ने यस अन्त्येष्टिमा झन्डै डेढदेखि दुई करोड मानिस सहभागी हुने अनुमान गरिएको छ।