जलवायु परिवर्तनका कारण पोर्चुगलमा ९४ वर्षयताकै सबैभन्दा धेरै गर्मीको अनुभव

पोर्चुगलले सन् २०२५ मा ९४ वर्षयताकै सबैभन्दा बढी गर्मीयाम अनुभव गरेको पोर्चुगल समुद्र तथा मौसम विज्ञान संस्थानले जनाएको छ। 

यो वर्ष देशको औसत हावाको तापक्रम २३.५१ डिग्री सेल्सियस पुगेको छ। जुन सन् १९९१ देखि २०२० सम्मको औसतभन्दा १.५५ डिग्री बढी हो।

अधिकतम तापक्रमको औसत ३०.७८ डिग्री सेल्सियस मापन गरिएको छ, जुन पछिल्ला ९ दशकभन्दा बढी समययताकै उच्च हो।

देशभर ३३ ठाउँमा अहिलेसम्मकै सबैभन्दा उच्च तापक्रम रेकर्ड भएको छ भने १० ठाउँमा न्यून तापक्रमका नयाँ कीर्तिमान बनेका छन्। जुन २९ तारिखमा मोरा नामक सहरमा ४६.६ डिग्री तापक्रम मापन भएको थियो, जुन मुख्यभूमिको लागि जुन महिनामै पहिलोपटक भएको हो। 

साथै, यो गर्मीयाम सन् १९३१ यताकै सबैभन्दा सुख्खा पनि भएको छ। देशभर कुल वर्षा मात्रा मात्र १०.९ मिलिमिटर मापन भएको छ, जुन औसतको २४ प्रतिशत मात्रै हो।